عجزة جديده حصلت حالا بشفاعه حبيبى ابانوب وبولا وشهداء نجع حمادى بجد شفاعتهم قويه جدا اجدااااا مش هطول عليكم هبدأ فى المعجزة
انهارده ماما عندها فى شغلها كانوا عاملين رحله للايتام فى حديقة الحيوان والمفروض كانت تخلص الرحله وتكون فى البيت على الساعه 2 الظهر المهم انا اتصلت اطمن عليها لانها اتأخرت والساعه بقت 4 الظهر ولسه ما رجعتش البيت
فبكلمها لاقيتها عماله تعيط وتقولى فى بنت معانا تاهت وعمالين نلف عليها حديقه الحيوان
كلها ومش لاقينها
فقلتلها متقلقيش انتى بس اندهى على ابانوب وبولا وشهداء نجع حمادى والانبا ونس وهما هيجبوها على طول
وقفلت معاها وفضلت اتكلم مع حبيبى ابانوب وبولا وكل الشهداء عشان يحلوا الازمه دى
وقفلت التليفون صدقونى يادوب قفلت مفيش دقيقة بالظبط لاقيتها بتتصل وتقولى يا ايرينى لاقينا البنت ابانوب وبولا هما اللى جابوها قلتلها دول كمان بعتولك عشره جنيه تذكار ابانوب بعتلك خمسه جنيه وبولا بعتلك خمسه جنيه
بجد شفاعه الشهداء بتوعنا مفيش اقوى منها وحبيبى ابانوب وبولا تعبوا كتير معانا بجد انا مش عارفه اشكرهم ازاى بس فعلا بجد انا كنت واثقه واثقة واثقة فيهم انهم فعلا هيجبوا البنت وتتحل المشكله دى بشفاعتهم
موضوع: معجزة لسه طازة للشهيد ابانوب وبولا شهداء نجع حمادى 
السبت 17 يوليو - 16:31
