...*$*شروط وقوانين منتدى الالعاب*$*...

بسم الاب والابن والروح القدس الــه واحد


اميــن


اخواتــى واصحابــى فى اجمل منتدى


*&*منتدى يسوع حياتى *&*




انا جبتلكــوا النهارده قوانين وشروط منتدى الالعاب وياريت بجد نهتم بيها ومنعملش اللى فى دماغنا وخلاص وكل دا عشان مصلحة المنتدى



1-اي موضوع يكون فيه كلام مش حلو مناقض للمنتدى واى الفاظ خارج المنتدى الدينى هيتم حذف الموضوع فياريت يكون كلامنا فى حدود المنتدى .....



2- اي موضوع هيكون فى رد فيه الفاظ لا تليق بمنتدى دينى او رقم الموبايل او الايميل هتتحذف المشاركه ويتم وقف العضو .....



3- اى موضوع هيتكتب فى قسم الالعاب ما له دخل بالالعاب هيتم نقل الموضوع للقسم المخصص ليه ولو موضوع ما له دخل بالمنتدى بالكامل هيتم حذفــه .....




4- ياريت جميع المشاركين في منتدى الالعاب الالتزام بالروح الطيبه ومناخدش الكلام بحساسيه لأن احنا هنا بنلعب و نضحك وياريت محدش يزعــل عشان هنا كلنا اخوات ومحدش هيزعل حد منــه ولو عضو جرح حد بكلامه وقال اى لفظ مش كويس ليه هيتم حذف المشاركه ووقف العضو .....



5- اى لعبة مكرره هيتم وضع رابط اللعبه القديمه و الاغلاق للعبه ونقلها للمواضيع المكرره .....



6- هيتم تثبيت اللعبه اللى عليها اقبال كبيــر وتنال اعجاب الاعضاء وفكرتها جديده وليها هدف لفتره محدوده
ولــو صاحب اللعبه غاب فتره او وقف فتره من اللعب هتتشال لغاية ما يجى ويتم تثبيتها تانى ......


والغرض من قسم الالعاب هى الهزار والضحك واللعب لكن فى حدود المنتدى واحترام السيد المسيح لاننا اولاده واحترام المنتدى



وياريــت كلنــا نـهتــم بالقوانين دى بجد عشان خاطر مصلحة المنتدى وواجهته قدام الزوار وتبقى صورتنــا حلوة قدام اى زائــر... ويبقى منتدانــا محافظ على صورتــه وملتزم بقوانينه



والمسيــح معاكم ويبارك حياتكم

شكرا لتعب محبتك